عدت فصول ساعات
كمين شهوربعد الدقايق
وانا في بحورالشوق
متحاشي المتاهات المضايق
خايف السنين تقسى وتجور
يعكر صفا الباقيلي رايق
راكب مطايا الانتظار
في القعده متمهل وضايق
مذهولبك البال الشريد
مشغولبك الشايفاهو فايق
مشلولبك النال الطريد
ممهولبك المن وسعو ضايق
مكتولبك الحلم الوليد
مفتولبك الحبل الحقايق
الناس تولع شمعتين
وانتي بتولعي في الضلام
نورك يباصر دمعتين
في جوفي احساسك زحام
مزحومبك الخاطر غنا
وعضمة لسانو بلا كلام
توصف صباحات السنا
وبرقا توالى بلا انتظام
منتظمه خطواتك منى
و كيف التمني بلا مدام
بسكرني وصلك لو دنا
تدنو البشارات العظام
عظيمه طلاتك وانا
انا شوقي ضارب في العضام
الناس تطقطق في الطلق
وانا بيك مطقطق منكسر
الناس تكابس في الفرح
وانا عندي افراحك بذر
الناس تزيف في الهموم
وانا همي في قربك ودر
مهمومبك الخاطر خلاص
وخلاصو كيف مادام عضر
جيبي القميص يوسفنا حي
يؤسفنا بين الناس ندر
نستغفر السبناهو فات
يا ربي جنبنا الكبر
والجاي كان لابد ات
ومافينا نبي الله الخدر
يا الله ادينا الثبات
هولنلنا الامر العسر
حقق فتات الامنيات
يقن قليبنا المنفطر
اكسينا من نورك صفات
واملا المسامات بالبشر
ليست هناك تعليقات:
إرسال تعليق