مدخل:
قنبي جنبي لا تفوتيني
حلفتك باسم الرب
خايفك في مشيك تنسيني
تتعثر خطاي واضهب
معاك رغم الحماقه الفيني
ما نقط لساني كعب
ولا قلت معايير ديني
لا مره استشطت غضب,,,
نص:
في قربك عرفت الراحه
ما تاورني بيك تعب
لانك انتي اجمل واحه
للافراح بقيتي سبب
عارفك ما بتقصري فيني
لا بتسقيني لوم وعتب
بس بحلم رساله تجيني
افرح انتشي واطرب
مؤكد في رجاك يقيني
مهما يكون زماني صعب
عارف ضل هواك يقيني
نارا موقده فيني حطب
فاتو ايام والله معيني
من غيبتك غشاني نصب
تعالي عشان تعود العافيه
لي قلبا مكتس تب
ما عرف الفرح لولاك
لا شافلو ابتسام وطرب
لا جاهو الربيع فد مره
لا طلت عليهو سحب
معاك عرفت ضروعو الدره
من كوثر حنانو حلب
بعادك يا اصيله مضره
من زمنا لئيم وكعب
يدور فيني الحواس تنضر
وقلما في هواك كتب
وشو معاي عقب الصره
ولع في عيونو لهب
الا حروفي صبحت دره
وجعا في لقاك وثب
في شعري انزرعتي مسره
حزني علي غرورو هرب
ألما شال نعالو وفر
لملم اكتآبو حقب
كيفن من هواك انترا
وللافراح بقيتي سبب؟
بحروفك قصعت الجره
طيبه واحتشام وادب
نميتك خلفت الجره
عشقك في عضامي ضرب
اصيله وفي خصامك حره
ريدك في الخلايا سرب
بحلم بلقاك فد مره
للافلراح تكوني سبب,,
