في لحظه حسيتو
الموت بقالي منال
إتسللت روحي
وإتقمحو العزال
شفتك يميني براك
وكل الخليقه شمال
تبكي وتنوحي علي
دمعك نتر شلال
خايفالي من حظي
خايفالي سوء الفال
خايفالي بعد الموت
يلقاني نفس الحال
غسلوني بالدماع
جابو الكفن عقبال
شالوني في الخاطر
صوتك ينادي تعال
حفرو الأرض مترين
لحدا يضيق بالضال
ردم التراب واسوق
ماجابو لي غربال
هجروني في لحدي
طوبا غلاد ورمال
خلوني في عالم
مافيه حتي نعال
فتح لقيتو نكير
هاجمني بيك في الحال
كيف البنيه أم شوق؟
قت ليه ذوق وجمال
ست البنات من جم
نعمه ومحاسن فال
شملت معاني الريد
للعفه باقيه مثال
سايقانا ما بتنساق
ما سايبه لينا مجال
عينيها معني الحب
اما القديله غزال
لهيجا شهد يصب
لا بجرح ولا بحتال
فيها السماحه تكب
كم تعبت كيال
معباري سنتح تب
من انبل الامال
قالي أوفيتا
وماسبت شي ينقال
قت ليه ما اوفيت
باقي الملائكه كماااال
وأنا يا رفيق لحدي
أنا عندي ليك سؤال
كيفن بقت بعدي
اوصف لي فيها الحال
طأطأ رويسو حزين
فتل المعاني حبال
طقطق صوابع البوح
عزم النضم جفال
اتصبب عرق من هم
باقي العرق غفال
قال لي حزنت ليك
وحزنا عليك بطال
خبرت دروب الغم
وما ابشع الترحال
زرفت دموع الدم
دمعا غزير هطال
كايسا اللحوق ينتم
باقيلها أقصي منال
نست الخلوق من جم
خاتاك بس في البال
قت ليهو
باقي النضم خلي
أنا حظي شوم كتال
عشت العشق ملهوف
ومت في العشق مغتال
قضيت حياتي حزن
فوقي الألم إتكال
خايف عليها تنوح
او تلقي نفس الحال
وإتقاطرن دمعات
خوفا عليها تقال
عطنن يميني بحر
ماالقبلي عبأ وشال
فجأه
النومه طارت لي
الكرسي دنقس مال
صحيت ونفس الكون
ثابت متل تمثال
وأنا يا هواجس الريد
انا حالي نفس الحال
الموت بقالي منال
إتسللت روحي
وإتقمحو العزال
شفتك يميني براك
وكل الخليقه شمال
تبكي وتنوحي علي
دمعك نتر شلال
خايفالي من حظي
خايفالي سوء الفال
خايفالي بعد الموت
يلقاني نفس الحال
غسلوني بالدماع
جابو الكفن عقبال
شالوني في الخاطر
صوتك ينادي تعال
حفرو الأرض مترين
لحدا يضيق بالضال
ردم التراب واسوق
ماجابو لي غربال
هجروني في لحدي
طوبا غلاد ورمال
خلوني في عالم
مافيه حتي نعال
فتح لقيتو نكير
هاجمني بيك في الحال
كيف البنيه أم شوق؟
قت ليه ذوق وجمال
ست البنات من جم
نعمه ومحاسن فال
شملت معاني الريد
للعفه باقيه مثال
سايقانا ما بتنساق
ما سايبه لينا مجال
عينيها معني الحب
اما القديله غزال
لهيجا شهد يصب
لا بجرح ولا بحتال
فيها السماحه تكب
كم تعبت كيال
معباري سنتح تب
من انبل الامال
قالي أوفيتا
وماسبت شي ينقال
قت ليه ما اوفيت
باقي الملائكه كماااال
وأنا يا رفيق لحدي
أنا عندي ليك سؤال
كيفن بقت بعدي
اوصف لي فيها الحال
طأطأ رويسو حزين
فتل المعاني حبال
طقطق صوابع البوح
عزم النضم جفال
اتصبب عرق من هم
باقي العرق غفال
قال لي حزنت ليك
وحزنا عليك بطال
خبرت دروب الغم
وما ابشع الترحال
زرفت دموع الدم
دمعا غزير هطال
كايسا اللحوق ينتم
باقيلها أقصي منال
نست الخلوق من جم
خاتاك بس في البال
قت ليهو
باقي النضم خلي
أنا حظي شوم كتال
عشت العشق ملهوف
ومت في العشق مغتال
قضيت حياتي حزن
فوقي الألم إتكال
خايف عليها تنوح
او تلقي نفس الحال
وإتقاطرن دمعات
خوفا عليها تقال
عطنن يميني بحر
ماالقبلي عبأ وشال
فجأه
النومه طارت لي
الكرسي دنقس مال
صحيت ونفس الكون
ثابت متل تمثال
وأنا يا هواجس الريد
انا حالي نفس الحال
ليست هناك تعليقات:
إرسال تعليق